१०६ प्रभू दर्शन
महिमा कसा प्रभू तुझा आगळा
पावन करसी तूं भक्ताला
नाम न घेतां तुझे मुखी, परि भक्त सख्याला भेटून गेला ।।धृ।।
पुंडलीकाची महान भक्ति
माता पित्याचे चरणी होती
त्याची सेवा तुजसी खेचती
कसा उकलू मी ह्या कोड्याला ।।१।।
नाम न घेतां तुझे मुखी, परि भक्त सख्याला भेटून गेला
पातिव्रत्य हे दैवत समजूनी
पतिसेवेला घेई वाहवूनी
सावित्रीने दिले दाखवूनी
प्रभू वाकती सती शब्दाला ।।२।।
नाम न घेतां तुझे मुखी, परि भक्त सख्याला भेटून गेला
सेवा करिती कांहीं गुरुची
मानव सेवा हीच कुणाची
शक्ती वाढवूनी सत्कर्माची
पात्र ठरती प्रभू दर्शनाला ।।३।।
नाम न घेतां तुझे मुखी, परि भक्त सख्याला भेटून गेला
डॉ. भगवान नागापूरकर
९००४०७९८५०
e-mail- bknagapurkar@gmail.com